غلطی کی گنجائش نہیں          

پیاسہ کوے کی کہانی پچھلے 70 سالوں سے ہمارے تعلیمی نصاب میں شامل ہے ۔ اب تک نہ کسی پڑھانے والے استاذ نے سوچھا اور نہ کسی طالب علم کے ذہن میں یہ سوال پیدا ہوا کہ آخر یہ پیا سہ کوا کس دور میں ، کہاں پانی کی تلاش میں ادھر ادھر پھرتارہا۔

وه کون سا باغ تھا جہاں اس نے گھڑا دیکھا تھا اور پھر ان کنکریوں کا کیا بنا جنہیں اپنے پیاس بجھانے کی خاطر گھڑے کی تاریکیوں میں پھینک دیا تھا ۔ کیا آپ نے کبھی سوچھا ہے کہ اس کہانی میں کتنا بڑا عقلى جھول ہے ۔؟ آخر یہ کونسا وقت تھا،کونسا زمانہ تھا ،کہ پانی اس قدر نایاب ہو چکا تھا ۔ ؟ اس وقت انسان کیسے زندگی گزار رہے تھے۔ ؟شاید ہمارا بحیثیت مجموعی یہ مزاج بن چکا ہے کہ ہم اپنی غلطیوں سے نہیں سیکھتے اور بہت بڑا نقصان کردیتے ہیں ۔پھر ہاتھ ملتے رہتے ہیں۔

1971 ء میں جب مشرقی پاکستان میں جناب مجیب الرحمٰن نے الیکشن میں اکثریت حاصل کی اور قانون کے مطابق حکومت بنانے کے امیدوار ٹھہرے تو ہم نے ان کی حکومت تسلیم کرنے سے انکار کیا۔ طاقت کا استعمال کر کے ان کے راستے روکھے ، عوام کے حقوق کو پامال کیا ، ہر طرف ظلم وبربریت کا بازار گرم کیا ۔دشمن نے ہمارے غلط فیصلوں سے فائده اٹھا کر ہمیں دو ٹکڑوں میں تقسیم کیا اور ہمارے 93 ہزار فوجیوں کو سلنڈر ہونا پڑا جس کی مثال تاریخ میں نہیں ملتی ۔

 اب بھی اس ملک میں قومیت اور عصبیت کی آوازیں بلند ہورہی ہے ۔ الگ الگ صوبے بنانے کی باتیں ہورہی ہے ۔ ملک مزید صوبوں میں تقسیم کرنے کی گونج سنائی دے رہی ہے۔ کبھی حیدر آباد صوبہ کی باتیں تو کہی آزاد بلوجستان اور آزاد وزیر ستان کےنعرے سننے کو مل رہی ہے ۔

 یہ سب کچھ کیوں ہو رہا ہے شاید اس لئے کہ ہم نےان کو بنیادی حقوق تک ہی سے محروم رکھا ہے ۔ ان علاقوں میں نہ بجلی ہے ،نہ پانی اور گیس کا تو سوچھنا ہی بے کار ہے۔

ان علاقوں کے لوگوں نے ہمیشہ اس ملک کے لیے قربانیان دی ہے ۔ اپنے تن ، من ، دهن کو اس دھرتی پر لوٹا یا ہے۔ اپنا گھر بار چھوڑ ا ہے ۔ جانوں کی نذرانے پیش کیے ہیں لیکن ہم نے ہمیشہ ان کے حقوق کو پامال کیا ۔

                                                                                                                                                                                                                                                                                                                                                               خدارا ان لوگوں پر توجہ دیں ۔ان کے حقوق کو ادا کریں ۔ ان کے ساتھ رحم دلی اور محبت کا سلوک کریں ۔ یہ لوگ محب وطن ہے ۔ امن چاہتے ہیں ۔ عزت سے زندگی گزارنا چاہتے ہیں ۔ یہ اس ملک کے لیے وہی جذبات رکھتے ہیں جو ہم رکھتے ہیں۔ ان کے نیتوں پر شک نہ کریں۔ ان کو وہی حقوق دیں جو لاہور ، کراچی اور دیگر شہروں میں رہنے والوں کو حاصل ہے ۔

                                                                                                                                                                                                                                                                                     اپنی غلطیوں کو نہ دہرائیں ، ان محب وطن لوگوں کو دشمن نہ بنائیں ۔ یہ ملک مزید تقسیم کا متحمل نہیں۔

رائیٹر:عبداللہ کلیۃ الفنون  جامعۃ الرشید