چند دن قبل کیوی کرکٹ ٹیم نے پاکستان کے ساتھ سیریز کھیلنے سے اس وقت انکار کر دیا جب میچ شروع ہونے میں صرف ایک گھنٹہ باقی تھا۔ کیوی کرکٹ بورڈ کا کہنا تھا کہ ہمیں سرکار کی طرف سے سکیورٹی تھریٹ ملا ہے جس کے بعد ہماری ٹیم کا پاکستان میں رکنا اور میچ کھیلنا ممکن نہیں رہا۔ نیوزی لینڈ کے اس فیصلے کے بعد کل انگلینڈ کرکٹ بورڈ نے بھی پاکستان آنے سے انکار کر دیاہے۔

تجزیہ نگار و تبصرہ نگار اس کی وجوہات پر غور کر رہے ہیں۔ اب تک جو مظبوط وجوہات زیر بحث ہیں ان میں افغانستان میں قائم ہونے والی طالبان حکومت کے ساتھ دوستانہ تعلقات ہیں۔ مزید برآں پاکستان نے انخلاء کے وقت امریکہ کو آئندہ اڈے نہ دینے کا جو عندیہ دیا تھا وہ بھی اس کا محرک ہو سکتا ہے۔

دوسری رائے پاکستان کا  ارجنٹائن کے ساتھ ایف 17 طیارے بیچنے کا جو معاہدہ ہوا ہے اس کو بنیاد بنایا گیا ہے۔ اس کی وجہ ارجنٹائن کی برطانیہ کے ساتھ 1982 میں کچھ جزائر پر جنگ ہوئی تھی اور جنگ میں برطانیہ کو بھاری نقصان اٹھانا پڑا تھا۔ کہا یہ جا رہا ہے کہ اب نیوزی لینڈ نے دورہ انگلینڈ اور امریکہ کی ایماء پر منسوخ کیا گیا ہے۔